नवग्रह स्तोत्रम्
15/02/2024നവഗ്രഹ സ്തോത്രമ്
15/02/2024नवग्रह स्तोत्राचा जप करण्याचे फायदे
नवग्रह मंत्रांमध्ये प्रत्येक नवग्रह किंवा नऊ ग्रह देवतांना समर्पित नऊ पवित्र स्तोत्रे असतात. या खगोलीय पिंडांच्या प्रभावशाली प्रभावाला शांत करण्यासाठी या संक्षिप्त, एकल-ओळीतील मंत्रांचे पठण केले जाते. या स्तोत्रांचा भक्तीपूर्वक जप केल्याने प्रतिकूल ग्रहांच्या स्थानांचे अशुभ प्रभाव कमी करताना शुभ स्थितीत असलेल्या ग्रहांकडून आशीर्वाद मिळण्यास मदत होते.
नवग्रह स्तोत्रम्
नवग्रह ध्यान श्लोकम्
आदित्याय च सोमाय मंगलाय बुधाय च ।
गुरु शुक्र शनिभ्यश्च राहवे केतवे नमः ॥
रविः
जपाकुसुम संकाशं काश्यपेयं महाद्युतिम् ।
तमोऽरिं सर्व पापघ्नं प्रणतोस्मि दिवाकरम् ॥
चंद्रः
दधिशंख तुषाराभं क्षीरार्णव समुद्भवम् (क्षीरोदार्णव संभवम्) ।
नमामि शशिनं सोमं शंभो-र्मकुट भूषणम् ॥
कुजः
धरणी गर्भ संभूतं विद्युत्कांति समप्रभम् ।
कुमारं शक्तिहस्तं तं मंगलं प्रणमाम्यहम् ॥
बुधः
प्रियंगु कलिकाश्यामं रूपेणा प्रतिमं बुधम् ।
सौम्यं सौम्य (सत्व) गुणोपेतं तं बुधं प्रणमाम्यहम् ॥
गुरुः
देवानां च ऋषीणां च गुरुं कांचनसन्निभम् ।
बुद्धिमंतं त्रिलोकेशं तं नमामि बृहस्पतिम् ॥
शुक्रः
हिमकुंद मृणालाभं दैत्यानं परमं गुरुम् ।
सर्वशास्त्र प्रवक्तारं भार्गवं प्रणमाम्यहम् ॥
शनिः
नीलांजन समाभासं रविपुत्रं यमाग्रजम् ।
छाया मार्तांड संभूतं तं नमामि शनैश्चरम् ॥
राहुः
अर्धकायं महावीरं चंद्रादित्य विमर्धनम् ।
सिंहिका गर्भ संभूतं तं राहुं प्रणमाम्यहम् ॥
केतुः
पलाश पुष्प संकाशं तारकाग्रहमस्तकम् ।
रौद्रं रौद्रात्मकं घोरं तं केतुं प्रणमाम्यहम् ॥
फलश्रुतिः
इति व्यास मुखोद्गीतं यः पठेत्सु समाहितः ।
दिवा वा यदि वा रात्रौ विघ्नशांति-र्भविष्यति ॥
नरनारी-नृपाणां च भवे-द्दुःस्वप्न-नाशनम् ।
ऐश्वर्यमतुलं तेषामारोग्यं पुष्टि वर्धनम् ॥
ग्रहनक्षत्रजाः पीडास्तस्कराग्नि समुद्भवाः ।
तास्सर्वाः प्रशमं यांति व्यासो ब्रूते न संशयः ॥
इति व्यास विरचितं नवग्रह स्तोत्रं संपूर्णम् ।